You are currently viewing tumhey har jaandar ke saath Neki karney ka sawab milta hai

tumhey har jaandar ke saath Neki karney ka sawab milta hai

tumhey har jaandar ke saath Neki karney ka sawab milta hai


Abu Hurairah Radi allahu anhu se rivayat hai ki Rasoollallah Sallallahu Alaihi wasallam ne farmaya ek shaksh raastey mein chal raha tha ki usey Shiddat ki pyas lagi usey ek kuwa (well) mila aur usney usmein utar kar pani piya jab bahar nikla to wahan ek kutta dekha jo haanph (panting) raha tha pyas ki wajah se aur tari ya Geeli Mitti (mud) ko chaat raha tha us shaksh ne kaha ki ye kutta bhi utna hi pyasa dikh raha hai jitna ki main , isliye wo phir kuwey (well) mein utra aur apney jutey mein pani bhara aur munh se pakad kar upar laya aur kuttey ko pani pilaya Allah taala ne uskey is amal ko pasand farmaya aur uski maghfirat kar di.

Sahaba Radi Allahu Anhuma ne arz kiya ki Ya Rasoollallah Sallallahu Alaihi Wasallam kya humein janwaron ke saath neki karney ka bhi sawab milta hai Aap Sallallahu Alaihi wasallam ne farmaya tumhey har jaandar (living being) ke saath Neki karney ka sawab milta hai


Sahih Bukhari, Vol 7, 6009