You are currently viewing Ghar se wuzu karke Masjid mein jane ka sawab

Ghar se wuzu karke Masjid mein jane ka sawab

Bismillahirrahmanirrahim

Ghar se wuzu karke Masjid mein farz namaz ke liye jane par hajj par jane jitna sawab


Hazrat Abu Umama Radi Allahu Anhu se rivayat hai ki Rasool-Allah Sal-Allahu Alaihi wasallam ne farmaya jo shakhs apne ghar se wuzu karke farz namaz ki  niyyat se nikle to usko utna sawab milega jitna ki ehram baandh kar hajj par jane ka hota hai, aur jo shakhs duha (ishraq ya chasht) ki namaz ki niyyat senikle aur uski khatir takleef bhi bardasht kare to uska sawab umrah karne wale ki tarah hai aur jo namaz ek namaz ke baad ho aur uske beech koi behuda baat  ya kaam na kiya jaye to wo namaz illiyeen mein likhi jayegi

Sunan Abu Dawud,jild 1,556-Sahih


Rasool-Allah Sal-Allahu Alaihi Wasallam ne farmaya ki jab tum mein se koi shaksh achchi tarah wudhu karke Namaz ke liye nikalta hai to Dahina (right) Qadam uthate hi Allah Subhanahu uskey liye ek neki likh dete hain aur bahina (left) Qadam uthate hi uska ek gunaah maaf kar dete hain so ab jo chahe(masjid se) Qareeb rahe ya dur rahe, phir jab wo Masjid mein aakar namaz Parhta hai to usko bakhsh diya jata hai,

Sunan Abu Dawud, Jild 1, 561-Sahih